Çinin şimal-şərqində yerləşən Bohay dənizində təxminən 100 milyon ton həcmində xam neft ehtiyatının aşkar edildiyi bildirilib.
Cagdas.az xəbər verir ki, Çin Milli Dəniz Neft Şirkətinin (CNOOC) yaydığı məlumata görə, yeni neft ehtiyatı Bohay dənizinin dayaz neogen laylarında müəyyən edilib. “Çinhuangdao 29-6” adlandırılan yataqda orta və ağır tərkibli xam neftin mövcudluğu təsdiqlənib.
Şirkət tərəfindən qazılan və 1688 metr dərinliyə çatan sınaq quyusundan hazırda sutkada 2 min 560 barrel neft hasil olunur. İlkin hesablamalara əsasən, yataqdan gündəlik hasilatın 370 tona, yəni təxminən 8 min 786 barrelə çatdırılması mümkündür.
CNOOC xatırladıb ki, ötən il eyni bölgədə yerləşən “Çinhuangdao 27-3” adlı başqa bir neft yatağında da 100 milyon tonluq xam neft ehtiyatı aşkar edilmişdi.
Qeyd edək ki, Çin Milli Dəniz Neft Şirkəti Bohay dənizi və Cənubi Çin dənizində dənizdə neft və təbii qaz kəşfiyyatı və hasilatı ilə məşğuldur./Haber Global/
