Rusiyada təxminən 417 min nəfər hərbi xidmət üçün müqavilə bağlayıb, daha 36 mindən çox şəxs isə könüllü olaraq xüsusi hərbi əməliyyat zonasına göndərilən bölmələrə qoşulub. Bu barədə Rusiya Təhlükəsizlik Şurası sədrinin müavini Dmitri Medvedev məlumat verib.
Cagdas.az TASS-a istinadən xəbər verir ki, Medvedev bu açıqlamanı Rusiya Silahlı Qüvvələri üçün müqaviləli hərbçilərin cəlb olunmasına həsr edilmiş Təhlükəsizlik Şurasının qurumlararası komissiyasının iclasında səsləndirib.
Onun sözlərinə görə, indiyədək təxminən 417 min vətəndaş müqavilə əsasında hərbi xidmətə yazılıb, 36 mindən çox könüllü isə xüsusi hərbi əməliyyat bölgəsində xidmət edən hərbi hissələrin tərkibinə daxil olub.
Dmitri Medvedev ölkənin müdafiəsi naminə xidmət etməyi seçən vətəndaşlara təşəkkür edərək, onların vətənpərvərliyinin əldə olunan nəticələrə mühüm töhfə verdiyini vurğulayıb.
