İsrail hakimiyyəti Fələstin vitse-prezidenti Hüseyn əl-Şeyxin Beytləhmə daxil olmasına mane olub.
Cagdas.az xəbər verir ki, WAFA agentliyinin məlumatına görə, Fələstin Milli Administrasiyasının (FMA) sədr müavini Milad mərasimində iştirak etmək üçün şəhərə getməli idi.
Məlumata əsasən, Hüseyn əl-Şeyx Beytləhmədə yerləşən İsa Məsihin Doğum Kilsəsində keçirilən Milad gecə ayininə dəvət olunub. Lakin onun kortejinin şəhər ərazisinə daxil olmasına belə icazə verilməyib. Qeyd olunur ki, vitse-prezident bu mərasimdə FMA rəhbəri Mahmud Abbasın adından və onun şəxsi xahişi ilə iştirak etməli idi.
İsrail tərəfi Hüseyn əl-Şeyxin Beytləhmə buraxılmamasının səbəbləri ilə bağlı heç bir açıqlama verməyib. Rəsmi Təl-Əviv hələlik bu hadisəyə münasibət bildirməyib.
