“Real Madrid”in futbolçusu Arda Gülerlə bağlı yeni iddialar gündəmə gəlib.
Cagdas.az xəbər verir ki, Avropanın bir sıra klublarının futbolçu ilə maraqlandığı bildirilir. İspaniya mətbuatının yazdığına görə, xüsusilə İngiltərə Premyer Liqası klubları onun vəziyyətini yaxından izləyir. “Arsenal”, “Çelsi” və “Liverpul”un yay transfer pəncərəsində hərəkətə keçə biləcəyi bildirilir. Məlumata əsasən, bəzi klublar artıq futbolçunun nümayəndələri ilə əlaqəni saxlayıb və mümkün transfer üçün ilkin planlar hazırlayır. Buna baxmayaraq, “Real Madrid” rəhbərliyi Arda Güleri satmaq niyyətində deyil və onu gələcək layihənin əsas hissəsi hesab edir. Bəzi mənbələr isə gənc oyunçunun daha çox oyun vaxtı istədiyini qeyd edir.
Qeyd edək ki, Arda Güler 2023-cü ildən “Real Madrid”də çıxış edir.(metbuat.az)
