Kanada Avropanın və Asiyanın enerji təhlükəsizliyi sahəsində həll yollarından biridir və onun təbii qazı (LNG) bazarda Rusiya qazını əvəz edəcək.
Çağdaş.Az xəbər verir ki, bu barədə Kanadanın baş naziri Mark Karni CBC-yə açıqlamasında bildirib.
O, ölkəsinin Avropa və Asiyanın enerji təhlükəsizliyində əsas alternativlərdən biri olduğunu qeyd edib.
Karni Kanadanın Avropanın, xüsusilə də Almaniyanın enerji təhlükəsizliyinə töhfə verdiyini vurğulayıb və bu sahədə Avropa tərəfdaşları ilə əməkdaşlığın daha da genişlənəcəyini əlavə edib.
Qeyd edək ki, məlumata görə, Almaniya və Kanada arasında maye təbii qaz tədarükünə dair böyük sazişin imzalanması planlaşdırılır. Razılaşma çərçivəsində ildə təxminən 1 milyon ton LNG tədarükü nəzərdə tutulur. Bu addım Avropanın enerji mənbələrini şaxələndirmək və Rusiya qazından asılılığı azaltmaq məqsədi daşıyır./Publika.az
