Xüsusi Təyinatlıların Qaziləri, Şəhid Ailələri və Veteranları İctimai Birliyinin Abşeron rayon filialı Dünya Azərbaycanlılarının Həmrəyliyi Günü və Yeni il münasibətilə bayram tədbiri təşkil edib.
Tədbirdə şəhid ailələri, qazilər və digər qonaqlar iştirak ediblər. Bayram abu-havasında keçən görüşdə iştirakçılar bir araya gələrək həmrəylik və birlik nümayiş etdiriblər.
İctimai birliyin sədri Bəhruz Məmmədzadə çıxış edərək iştirakçıları bayram münasibətilə təbrik edib, 2026-cı ilin dövlətimiz və xalqımız üçün uğurlu və düşərli bir il olmasını arzulayıb.
Dövlət tərəfindən şəhid ailələrinə və qazilərə göstərilən diqqət və qayğı daim davam etdirilir.
Çıxışı zamanı Bəhruz Məmmədzadə Abşeron rayon filialının sədri Süleyman Cəfərovun fəaliyyətini və gördüyü işlərin idarə heyəti tərəfindən yüksək qiymətləndirildiyini bildirib, ona gələcək fəaliyyətində uğurlar arzulayıb.
Tədbir çərçivəsində Abşeron filialı tərəfindən qazilərə və tədbirdə iştirak edən qonaqlara mükafatlar təqdim olunub.
Tədbir səmimi söhbətlər və xatirə şəkillərinin çəkilməsi ilə yekunlaşıb.
