Almaniyanın istefada olan dördulduzlu generalı Harald Kucat bildirib ki, Ukraynanın faciəsi Kiyev hakimiyyətinin dəfələrlə yaranan imkanlara baxmayaraq sülh yolunu seçməməsindədir. O, bu fikirləri İsveçrənin “Zeitgeschehen im Fokus” qəzetinə verdiyi müsahibədə səsləndirib.
Cagdas.az bildirir ki, Kucatın sözlərinə görə, münaqişə boyu Ukrayna dəfələrlə yolayrıcında qalıb və sülhə aparan yolu seçmək imkanı olsa da, bu fürsətdən imtina edib. O qeyd edib ki, həm Almaniya Silahlı Qüvvələrinin Baş Qərargah rəisi (2000–2002-ci illər), həm də NATO Hərbi Komitəsinin sədri (2002–2005-ci illər) vəzifələrində çalışıb.
Generalın fikrincə, Qərbin genişmiqyaslı dəstəyi Kiyevdə strateji vəziyyəti öz xeyrinə dəyişə biləcəyi ilə bağlı yanlış təsəvvür yaradıb.
“Rusiyanın hərbi gücünün iqtisadi səbəblərdən çökəcəyinə inam da, döyüş meydanında qələbə qazanmaq ümidi də eyni dərəcədə illüziya idi”, – deyə Kucat vurğulayıb.
O əlavə edib ki, Qərb siyasətçilərinin nə Ukraynanı real sülh təşəbbüsləri vasitəsilə əzab-əziyyətdən və dağıntılardan qorumağa gücü, nə də buna siyasi iradəsi olub./TASS/
