Mart ayı ümumilikdə uğursuz sayılmasa da, bəzi bürclər üçün gözlənilən dinamika və şansı tam şəkildə gətirməyə bilər. Göy üzündəki enerji bu ay bir qədər ləngiyir və bu hal xüsusilə səbirsiz insanlar üçün sınağa çevrilir. Proseslər davam etsə də, nəticələr dərhal görünmür. Böyük böhranlar gözlənilmir, lakin motivasiyanın azalması bəzi bürc nümayəndələrinin işini çətinləşdirə bilər.
Cagdas.az mart ayının şanssız bürclərini təqdim edir:
Şir bürcü martda ən çox zəhmət çəkən, amma qarşılığını dərhal görməyən tərəf olacaq. Onlar məsuliyyəti üzərinə götürür, işləri qaydasına salır, lakin gözlədikləri alqış və təqdir gecikir. Bu isə Şirlərdə yanlış istiqamətdə olduqları ilə bağlı şübhə yarada bilər. Halbuki irəliləyiş var, sadəcə bu ay gurultulu uğurlar deyil, səssiz sabitlik ön plandadır. Apreldə görülən işlərin bəhrəsi daha aydın hiss olunacaq. Bu dövrdə ani təsdiq axtarışından uzaq durmaq daha doğru seçim sayılır.
Xərçəng bürcü üçün mart dramatik hadisələrlə yadda qalmasa da, xırda qayğıların üst-üstə yığılması yorğunluq yarada bilər. Ev, iş və ətrafdakı insanların gözləntiləri eyni vaxtda diqqət tələb edir. Bu isə daxili gərginlik və zehni dağınıqlıq hissini artırır. Hər şeyi təkbaşına həll etmək istəyi vəziyyəti daha da ağırlaşdırır. Duyğusal yükü bölüşmək və bəzi öhdəlikləri azaltmaq martın gətirdiyi yorğunluğu xeyli yüngülləşdirə bilər.
Qoç bürcü üçün isə martda əsas məsələ sürət yox, düzgün zamanlamadır. Sürətli nəticələrə öyrəşmiş Qoçlar üçün gecikmələr və gözlənilən icazələrin uzanması səbir sınağına çevrilə bilər. Maneələri daha güclə aşmağa çalışmaq əvəzinə, hadisələrin ritminə uyğunlaşmaq tövsiyə olunur. Yol ümumilikdə açıqdır, sadəcə arada yaranan “tıxaclar” hərəkəti ləngidir. Axarı düzgün qiymətləndirən Qoçlar ayın sonunda planlarının yerinə düşdüyünü görəcəklər./demokrat
