Prezident Rəcəb Tayyib Ərdoğan Lübnan Prezidenti Cozef Avn ilə telefon danışığı aparıb. Görüşdə Türkiyə-Lübnan ikitərəfli münasibətləri və regional məsələlər müzakirə olunub.
Cagdas.az xəbər verir ki, Prezident Ərdoğan danışıq zamanı Türkiyənin həmişə Lübnanın sabitliyini və suverenliyini dəstəklədiyini bildirib. O, iki ölkə arasında ticarət və investisiya sahələrində böyük potensial olduğunu vurğulayıb.
Ərdoğan Türkiyənin, Lübnanın təhlükəsizliyini təmin edəcək beynəlxalq mexanizmlərdə hər zaman aktiv rol oynamağa hazır olduğunu deyib və eyni zamanda Lübnandan Kıbrıs türklərinin hüquq və maraqlarını qoruyan bir mövqe gözlədiklərini qeyd edib.
Görüşdə həmçinin Suriya bölgəsindəki böyük dəyişikliklərin regionun sabitliyinə töhfə verməsi üçün Türkiyənin dəstəyini davam etdirəcəyi və İsrailin Lübnana qarşı aqressiv mövqeyini rədd etdiyi vurğulanıb.
