Rusiya Prezidentinin xarici ölkələrlə investisiya və iqtisadi əməkdaşlıq üzrə xüsusi nümayəndəsi Kirill Dmitriyev Macarıstanda keçirilən seçkilərin nəticələrinin Avropa İttifaqının zəifləmə prosesini daha da sürətləndirəcəyini bildirib.
Çağdaş.Az xəbər verir ki, O, sosial şəbəkədə paylaşım edərək qeyd edib: “Bu, sadəcə Aİ-nin dağılmasını sürətləndirəcək. Dörd aydan sonra haqlı olub-olmadığımı yoxlayın”.
Dmitriyev bu fikirləri britaniyalı ifrat sağçı fəal Tommy Robinsonun Macarıstan seçkilərinin nəticələri ilə bağlı açıqlamasına münasibət bildirərkən səsləndirib.
Aprelin 12-də keçirilən parlament seçkilərinin nəticələrinə əsasən, müxalif Tisza Partiyası Macarıstan Milli Assambleyasında (199 yerlik birpalatalı parlament) 138 mandat qazanıb.
