Tayvanda tüstü bombası və bıçaqla həyata keçirilən hücumlar ölkədə ciddi təşvişə səbəb olub. Hadisələr nəticəsində iki nəfər həyatını itirib, təxminən doqquz nəfər isə yaralanıb.
Cagdas.az-ın verdiyi məlumata görə, Tayvanın paytaxtı Taypeydə əvvəlcə bir metro stansiyasında tüstü bombası ilə hücum edilib, daha sonra isə bir ticarət mərkəzində bıçaqlı hücum baş verib.
Rəsmi qurumlar bildiriblər ki, hücumlar zamanı 2 nəfər ölüb, 9-a yaxın şəxs müxtəlif dərəcəli xəsarətlər alıb. Hadisələrdən sonra şəhər üzrə təhlükəsizlik tədbirləri gücləndirilib.
Tayvan Milli Polis Xidməti isə açıqlayıb ki, şübhəli şəxs polis tərəfindən təqib olunduğu zaman bir binadan atılaraq həyatını itirib./Hurriyet.com.tr/
