Müctəba Xamenei ayağını itirib, üzü zədələnib.
Cagdas.az Reuters agentliyinə istinadən xəbər verir ki, İranın Ali Lideri Müctəba Xamenei fevralın 28-də ABŞ-İsrail koalisiyasının “Aslanın Nəriltisi” adlandırdığı hücum zamanı yaralandıqdan sonra hələ də sağalma prosesini davam etdirir.
Məlumata görə, bu barədə Xameneiyə yaxın üç mənbə məlumat yayıb. Bildirilir ki, hücum nəticəsində onun üz nahiyəsi ciddi şəkildə zədələnib, həmçinin hər iki ayağına ağır xəsarət yetirilib.
Mənbələrin sözlərinə görə, Müctəba Xamenei hazırda zehni cəhətdən ayıqdır və yüksək vəzifəli şəxslərlə audio bağlantı vasitəsilə görüşlər keçirməkdə davam edir. Agentliyin qeyd etdiyi məlumata əsasən, bu məlumatlar onun səhhəti ilə bağlı indiyədək yayılan ən detallı təsvir hesab olunur.
ABŞ kəşfiyyatının ilkin qiymətləndirmələri ilə tanış olan bir mənbə bildirib ki, Xameneinin çox güman ki, bir ayağı amputasiya edilib. Digər mənbə isə qeyd edib ki, onun yeni fotoşəkillərinin bir və ya iki ay ərzində yayımlanacağı gözlənilir və həmin vaxta qədər ictimaiyyət qarşısına çıxması ehtimal olunur.
Qeyd edək ki, hadisə ilə bağlı rəsmi qurumlar tərəfindən hələlik geniş açıqlama verilməyib.(Modern.az)
