ABŞ-ın Havay adasında yerləşən və dünyanın ən aktiv vulkanlarından biri hesab olunan Kilauea növbəti dəfə püskürüb.
Cagdas.az xəbər verir ki, vulkanın səpələdiyi lavların hündürlüyü 425 metrə çatıb. Bildirilir ki, Kilauea 23 dekabr 2024-cü ildən 23 dekabr 2025-ci ilədək olan dövrdə ümumilikdə 39-cu dəfə aktivləşib.
ABŞ-ın Havay adasındakı Kilauea vulkanında artıq bir ildən çoxdur ki, fasiləsiz seysmik və vulkanik fəallıq müşahidə olunur.
ABŞ Geoloji Araşdırmalar Xidməti (USGS) tərəfindən yayımlanan açıqlamada bildirilib ki, vulkanın son aktivlik dalğası 23 dekabr 2024-cü ildə başlayıb və 2025-ci ilin 23 dekabrında 39-cu püskürmə qeydə alınıb. Açıqlamaya görə, püskürmə zamanı havaya qalxan lava sütunları 425 metr hündürlüyə qədər yüksəlib.
Qeyd olunur ki, Kilauea vulkanında baş verən püskürmələrin əksəriyyəti bir gündən az davam edib.
Xatırladaq ki, Kilauea vulkanında 2018-ci ildə baş verən və təxminən üç ay davam edən güclü püskürmələr nəticəsində 700-dən çox yaşayış evi tamamilə məhv olmuşdu. Həmin hadisə Havay adasının tarixində ən dağıdıcı vulkan fəlakətlərindən biri kimi qiymətləndirilir.(qaynarinfo)
