Qida allergiyası həm uşaqlarda, həm də böyüklərdə rast gəlinən ən geniş yayılmış sağlamlıq problemlərindən biridir.
Cagdas.az bildirir ki, süd, yumurta, qoz-fındıq məhsulları, dəniz məhsulları, balıq, soya, buğda və qlüten tərkibli qidalar allergiyanın ən çox rast gəlindiyi məhsullar hesab edilir.
Bundan əlavə, alma, şaftalı, armud, portağal və banan kimi bəzi meyvələr də həssas insanlarda allergik reaksiyalara səbəb ola bilər. Bu hallar adətən ağızda qaşınma, dodaq və dilin şişməsi, ürəkbulanma, qarın ağrısı və burun tutulması kimi əlamətlərlə müşahidə olunur.
Mütəxəssislərin sözlərinə görə, qida allergiyasının əlamətləri yüngül qaşınmadan tutmuş nəfəsalma çətinliyi və anafilaksiya kimi ağır vəziyyətlərə qədər dəyişə bilər. Buna görə də hər hansı qida qəbulundan sonra allergik əlamətlər yaranarsa, həkimə müraciət etmək tövsiyə olunur.(metbuat.az)
