İranın Ali Milli Təhlükəsizlik Şurası ABŞ-la imazalnmış memorandum çərçivəsində Hörmüz boğazından keçən gəmilərin 60 gün müddətində rüsumlardan azad ediləcəyini açıqlayıb.
Cagdas.az xəbər verir ki, İran Ali Milli Təhlükəsizlik Şurasının yaydığı bəyanatda deyilir:
“İslamabad Sazişinə uyğun olaraq, 60 gün müddətində keçid tələb edənlərdən heç bir ödəniş alınmayacaq və bu xərclər İran İslam Respublikası Hökuməti tərəfindən ödəniləcək.
Buna görə də, Fars Körfəzi Dəniz Administrasiyasına müqavilənin məqsədlərinə çatmaq üçün qiymətləndirmə və müraciətlərə cavab vermə işini tez və prioritetləşdirmək tapşırılıb.
Mövcud xüsusi hallar və marşrut boyunca müəyyən təhlükəsizlik riskləri səbəbindən, təhlükəsiz naviqasiyanı təmin etmək və dəniz qəzalarının qarşısını almaq üçün gəmilərin onlara bildirilən marşrutlar və müddətlər daxilində tranzit etməsi tələb olunur. Beləliklə, tranzit tutumu zamanla artacaq.
Hörmüz boğazından keçidlə bağlı icra qaydaları və texniki detallar Fars Körfəzi Dəniz Administrasiyası tərəfindən elan ediləcək.
Mina təmizləmə əməliyyatları da daxil olmaqla, digər məsələlərlə bağlı zəruri addımlar İslamabad Sazişinin 5-ci maddəsinə uyğun olaraq atılacaq”
Bəyanatda həmçinin Hörmüz boğazından təhlükəsiz keçidin təmin edilməsinin əsas məqsəd olduğu vurğulanıb.(modern.az)
