Beynəlxalq tədqiqatçılar qrupu mikroqliya adlı beyin hüceyrələrinin Alzheimer xəstəliyinə qarşı qoruyucu rejimə keçə bildiyini və xəstəliyin irəliləməsini ləngidə biləcəyini müəyyən edib.
Cagdas.az Nature jurnalına istinadən xəbər verir ki,mikroqliya adətən iltihab və neyron zədələnməsi ilə əlaqələndirilir, lakin alimlər aşkar ediblər ki, bəzi şərtlərdə bu hüceyrələr amiloid lövhələrinə — Alzheimer xəstəliyinin əsas əlaməti hesab edilən amiloid-beta zülal toplayılarına — qarşı qoruyucu cavab verir. Belə hüceyrələr zülal aqreqatlarının toksikliyini azaldır və tau zülalının yayılmasını maneə törədir.
Tədqiqatçılar bu qoruyucu rejimin iki əsas əlamətini müəyyən ediblər: PU.1 zülalının səviyyəsi azalır, CD28 zülalının ifadəsi isə artır. Bu xüsusiyyətlərə malik mikroqliyalar amiloid lövhələrinin böyüməsini əhəmiyyətli dərəcədə yavaşladır və patoloji tau sahələrinin əmələ gəlməsinin qarşısını alır.
Araşdırmada CD28 sintezinin süni şəkildə bloklanması qoruyucu hüceyrələrin yox olmasına və iltihablı mikroqliaların sayının artmasına səbəb olub, nəticədə beyində daha çox amiloid lövhəsi yaranıb. Bu, qoruyucu mikroqliya alt tipinin rolunu birbaşa təsdiqləyir.
Alimlər bildirir ki, bu qoruyucu mexanizm normal şəraitdə xəstəliyin tam qarşısını almaq üçün kifayət etmir. Lakin mikroqlianın neyroprotektiv rejimə keçidini anlamaq gələcək müalicə strategiyalarının inkişafına imkan yaradır və insanlarda eyni mexanizmlər təsdiqlənərsə, qoruyucu hüceyrə alt tipinin gücləndirilməsi yeni terapiyaların əsasını təşkil edə bilər./Ajans.az/
