Hətta normada qəbul edilən spirtli içki də erkən ölüm riskini ciddi şəkildə artırır.
Çağdaş.Az xəbər verir ki, “Journal of Studies on Alcohol and Drugs” nəşrində dərc olunan araşdırma bunu sübut edir.
Mütəxəssislər spirtli içkinin xroniki xəstəliklərə və xərçəngə səbəb olduğunu müəyyənləşdiriblər. Alimlər bunun üçün 7 200-dən çox elmi tədqiqatın nəticələrini təhlil ediblər. Təhlillər zamanı insanların sağlamlıq bazalarındakı bədən göstəriciləri dərindən araşdırılıb.
Həftədə orta hesabla 14 porsiya spirtli içki qəbul edənlərdə vaxtsız ölüm riski yüksəkdir. Bu insanlarda ölüm ehtimalı təxminən 25-də 1 nisbətindədir. Həftəlik porsiya sayı 7-dən az olduqda isə təhlükə nisbətən aşağı düşür.
Gündəlik bir və ya iki porsiya içki içmək çoxu tərəfindən təhlükəsiz sayılır. Yeni elmi iş isə bu vərdişin orqanizm üçün çox ziyanlı olduğunu göstərir. Alkoqolun qaraciyər və ürək üçün faydalı olması barədə fikirlər tamamilə yanlışdır.
Yəni elə bilirik ki, gündə bircə qədəh içməklə heç nə olmaz, amma alimlər deyir ki, elə deyil. Həmin o bircə qədəh belə insanı xərçəngə, ürək xəstəliklərinə sürükləyir və ömrü vaxtından tez bitirir./Demokrat.az
