Stanford Universiteti alimlərinin araşdırmasına görə, insan orqanizmi 44 və 60 yaşlarında qəfil yaşlanma mərhələləri yaşayır.
Tədqiqat zamanı 25-70 yaş arası 108 nəfərin biometrik göstəriciləri illərlə izlənilib. Nəticələr göstərib ki, Alzheimer və ürək-damar xəstəlikləri kimi problemlərin riski tədricən deyil, məhz bu yaş dövrlərindən sonra kəskin artır.
Araşdırmaya əsasən, 44 yaş ətrafında dəri, əzələ, alkoqol və kofein metabolizmi ilə bağlı ciddi dəyişikliklər baş verir. 60 yaş civarında isə immun sistemi, böyrək funksiyaları və karbohidrat mübadiləsində nəzərəçarpan dəyişikliklər müşahidə olunur.
Alimlər bildirirlər ki, yaşlanma prosesi düşündüyümüz kimi yavaş deyil, müəyyən yaşlarda sürətlənən bioloji sıçrayışlarla müşayiət olunur.(referans media)
