Bugün Azərbaycanda Hərbi Hava Qüvvələri (HHQ) günü qeyd olunur.
14 fevral 1992-ci ildə Milli Ordunun Hərbi Hava Qüvvələri ayrıca bölmə kimi təsis olunub.
Cagdas.Az bildirir ki, Azərbaycanın ilk hərbi pilotu Fərrux Qayıbov olub. O, Birinci Dünya müharibəsində almanlara qarşı keçirilən hava əməliyyatlarında fəal iştirak edib və indiki Belarus ərazisində gedən döyüşlərin birində həlak olub. Maraqlıdır ki, müasir dövrdə Azərbaycan ordusunda olan ilk qırıcı təyyarə baş leytenant Vaqif Qurbanovun keçmiş sovet ordusunun Sitalçay aerodromundan qaçıraraq ölkəmizə gətirdiyi “Su-25” təyyarəsi olub.
Belə ki, 1992-ci ilin aprelin 8-də baş leytenant V.Qurbanov keçmiş sovet ordusunun Sitalçay aerodromundan “Su-25” döyüş təyyarəsini qaçıraraq Azərbaycan ordusuna gətirir. Bununla da Azərbaycan HHQ ilk qırıcı təyyarəni arsenalına qəbul edib.
Az sonra “Nasosnı” – indiki Hacı Zeynalabdin Tağıyev hərbi aviasiya alayının komandiri, polkovnik Vladimir Kravtsov (Azərbaycan HHQ-nin ilk komandanı) və Dəllər aerodromunda xidmət edən polkovnik-leytenant Aleksandr Pleşinin səyləri nəticəsində bu bazalardakı sovet aviasiyasına məxsus təyyarələr Azərbaycan ordusunun tabeçiliyinə verilib.
1992-ci ildən Azərbaycanda HHQ ilə bağlı islahatlar dövrü başlanıb. Həmin il bu qurumun strukturu milliləşdirilib. General-mayor Rail Rzayev HHQ-nin komandanı təyin edilib. Bir qədər sonra HHQ Hava Hücumundan Müdafiə Qoşunları ilə birləşdirilib. 1997-ci ildə Azərbaycanın Ali Hərbi Təyyarəçilik Məktəbi ilk milli hərbi təyyarəçilərimizin buraxılışına başlayıb. Beləliklə, 2005-ci ildən Azərbaycanda müdafiəyə ayrılmış vəsaitlərin əhəmiyyətli hissəsi məhz HHQ və HHMQ-nin dirçəldilməsinə sərf edilib. 2008-2010-cu illər ərzində isə HHQ-nin aviaparkı müasirləşdirilib.
Hazırda Azərbaycan HHQ-nin pilotları MDB məkanında ən çox uçuşlar keçirmiş pilotlar sayılır. Azərbaycan pilotları əsasən Azərbaycan Ali Hərbi Təyyarəçilik Məktəbində hazırlanır, Türkiyə, Ukrayna, ABŞ və digər ölkələrdə müvafiq ixtisasartırma kursları və təlimlər keçirlər.
Polkovnik Zaur Nudirəliyev Polkovnik Fizuli Cavadov Polkovnik Emil Nəzirov Polkovnik Elçin Nəbiyev Polkovnik-leytenant Ramiz Qasımov Polkovnik-leytenant Fəxrəddin Əsgərov Polkovnik-leytenant Rəşad Atakişiyev Polkovnik-leytenant Famil Məmmədli Mayor Urfan Vəlizadə Mayor Təbriz Musazadə Mayor Abbas Qasımov Mayor Elmir Həsənov Mayor Elbrus Əhmədov Mayor Emil Mayılov Mayor Murad Məmmədov Mayor Emil Əliyev Kapitan Cavid Bayramlı Kapitan Xəyyam Əliyev Kapitan Teymur Qaraisayev Kapitan Əfqan Aslanov Kapitan Yaşar Əhmədov Baş leytenant Əbu Bəkir İsmayılov Baş leytenant Vaqif Qurbanov Baş leytenant Rüstəm Rüstəmov Baş leytenant Fərid Nağıyev Baş leytenant Xaliq Gözəlov Leytenant Abdulla Süleymanov Leytenant Bəhruz Zeynalov
