Son dəqiqə
Taksidən istifadə edənlərə PİS XƏBƏR: bahalaşacaq? – VİDEO Yeni tikililərdə yaşayanların DİQQƏTİNƏ: İşığınız və suyunuz kəsilərsə, dərhal buraya müraciət edin! Paytaxtın xəritəsi dəyişir: Bakının bu 5 istiqamətinə axın başlayır – Binəqədi, Zığ, Hövsan və Qala… DSX təcili məlumat yaydı: İrandan havaya qalxdı, Azərbaycanda ələ keçirildi – VİDEO Məktəblərdə payız tətili başladı Qarşıdan elə hava gəlir ki… – Tarixdə cəmi 3 dəfə belə olub Prezidentin 1 həftəsi… – VİDEO Ronaldinyo futbola qayıtmasının səbəbini açıqladı Əhməd Şaraa xanımı ilə Antalyada Almaniya kanslerinin çıxışı tənqid olundu: “O, nəyi gizlədir?”

Dövlət vəzifəsindən ayrılsalar da, federasiya prezidenti qaldılar

Cəmiyyət

Azərbaycanda yüksək vəzifəli şəxslərin müxtəlif idman federasiyalarına rəhbərlik etməsi geniş yayılmış təcrübədir. Nazirlər, Baş nazirin müavinləri və digər dövlət məmurları həm dövlət idarəçiliyində, həm də idman sahəsində rəhbər vəzifələr tuturlar. Bəzi şəxslər vəzifələrini davam etdirərək federasiya prezidenti kimi fəaliyyət göstərir, digərləri isə tutduqları postdan ayrılsalar da, idman təşkilatlarının rəhbərliyində qalırlar.

Cagdas.az Bizim.Media-ya istinadən xəbər verir ki, uzun illər avtomobil yollarının tikintisi sahəsində dövlət idarəçiliyində çalışan Saleh Məmmədov vəzifəsindən ayrılsa da hazırda Həndbol Federasiyasının prezidentidir.

Belə ki, o, 2015-ci il dekabrın 28-də “Azəryolservis” ASC-nin sədri təyin edilib, 2017-ci il dekabrın 21-də isə Azərbaycan Avtomobil Yolları Dövlət Agentliyinin İdarə Heyətinin sədri vəzifəsinə gətirilib.

Bununla yanaşı, Məmmədov 2016-cı il dekabrın 1-dən Azərbaycan Həndbol Federasiyasının prezidentidir. Bu il fevralın 6-da Prezident İlham Əliyevin sərəncamı ilə Azərbaycan Avtomobil Yolları Dövlət Agentliyinin İdarə Heyətinin sədri vəzifəsindən azad edilib. Həmin gün bu vəzifəyə Vüsal Nəsirli təyin olunub. Lakin Saleh Məmmədovun dövlət vəzifəsindən ayrılması onun federasiya rəhbərliyindən getməsi ilə nəticələnməyib. O, Azərbaycan Həndbol Federasiyasının prezidenti olaraq qalır.

Bundan başqa, 2025-ci ildə Azərbaycan Üzgüçülük Federasiyasının prezidenti seçilən Zaur Əliyev uzun müddət İcbari Tibbi Sığorta üzrə Dövlət Agentliyinin rəhbərliyində çalışıb. O, 2015-ci ildən qurumun rəhbəri olub, sonradan İdarə Heyətinin sədri vəzifəsini tutub. Bu ilin mart ayında İcbari Tibbi Sığorta üzrə Dövlət Agentliyinin səlahiyyətləri Əmək və Əhalinin Sosial Müdafiəsi Nazirliyinə (ƏƏSMN) həvalə edilib. 2026-cı il aprelin 7-də isə Prezident İlham Əliyevin sərəncamı ilə əmək və əhalinin sosial müdafiəsi nazirinin müavini təyin edilib.