Dünyanın ən sağlam ölkələrindən biri hesab olunan İslandiya yüksək həyat keyfiyyəti və güclü səhiyyə sistemi ilə diqqət çəkir.
Cagdas.az xəbər verir ki, statistik göstəricilər bu ölkədə insanların daha uzun və sağlam ömür sürdüyünü göstərir. Məlumata görə, İslandiyada kişilər orta hesabla 72, qadınlar isə 74 il yaşayır. Ölkədə səhiyyə xidmətlərinin əlçatan olması, sağlam həyat tərzi və ekoloji mühit bu göstəricilərə müsbət təsir edən əsas amillər sırasında göstərilir.
Bundan əlavə, uşaq ölümü səviyyəsi də olduqca aşağıdır. Belə ki, hər 1000 yeni doğulan körpədən cəmi 2-si həyatını itirir. Bu göstərici İslandiyanın ana və uşaq sağlamlığı sahəsində uğurlu nəticələr əldə etdiyini göstərir. Ölkədə yoluxucu xəstəliklərin yayılması da minimum səviyyədədir. Statistikaya əsasən, İslandiyada hər 100 min nəfərə cəmi 2,2 nəfər vərəmə yoluxur.
Səhiyyə sisteminin güclü olmasını göstərən digər mühüm faktorlardan biri isə həkim sayıdır. Belə ki, ölkədə hər 100 nəfərə orta hesabla 3,62 həkim düşür. Bu da vətəndaşların tibbi xidmətlərə daha rahat çıxış əldə etməsinə şərait yaradır.(sfera.az)
