Baş nazir Əli Əsədov “Azərbaycan Respublikasında insan alverinə qarşı mübarizəyə dair 2026–2030-cu illər üçün Milli Fəaliyyət Planı”nın icrasının təmin edilməsi barədə Sərəncam imzalayıb.
Cagdas.az xəbər verir ki, Sərəncama əsasən, aidiyyəti dövlət qurumlarına konkret tapşırıqlar və müddətlər müəyyən edilib.
Bildirilib ki, Ədliyyə Nazirliyi, Səhiyyə Nazirliyi, Xarici İşlər Nazirliyi, Elm və Təhsil Nazirliyi, Dövlət Miqrasiya Xidməti və digər qurumlarla razılaşdırmaqla, Milli Fəaliyyət Planının müvafiq bəndləri üzrə təkliflərini 2027-ci il iyulun 1-dək Nazirlər Kabinetinə təqdim edilməlidir.
İqtisadi İslahatların Təhlili və Kommunikasiya Mərkəzi iki ay ərzində “e-monitorinq” Portalı çərçivəsində xüsusi hesabatlılıq modulu formalaşdıracaq. Planın icrası 2027-ci ildən rəqəmsal olaraq izləniləcək.
