Uzunmüddətli araşdırmalar göstərir ki, hər gün bir ədəd yumurta istehlak etmək sağlamlıq üçün olduqca faydalıdır.
Cagdas.az xəbər verir ki, yumurta yüksək protein, vitamin və antioksidant tərkibi ilə orqanizmin qidalanmasında mühüm rol oynayır. O, ürək-damar sağlamlığını dəstəkləyir, “yaxşı xolesterin” (HDL) səviyyəsini tarazlayır və damar tutulması riskini azaldır. Araşdırmalar nəticəsində məlum olub ki, gündəlik rasionunda yumurtaya yer verən insanlarda ürək tutması və insult riski daha aşağı olur.
Qeyd edilir ki, yumurtanın tərkibində olan A, B12, D və E vitaminləri, omeqa-3 yağ turşuları, eləcə də lutein və zeaksantin maddələri göz sağlamlığı üçün xüsusilə faydalıdır. Bu komponentlər uzunmüddətli istifadə zamanı katarakta və sarı ləkə xəstəliyinin yaranma riskini azalda bilər. Bundan əlavə, yumurtada olan kolin maddəsi beyin hüceyrələrinin qorunmasına kömək edir və insult riskinin azalmasına təsir göstərir. Tərkibindəki sink və kükürd isə əzələ gücünü artırır, saç və dırnaqların sağlamlığını dəstəkləyir.(sfera.az)
