Nərimanov rayonunun İzzəddin Həsənoğlu küçəsində piyadalar üçün nəzərdə tutulan səki faktiki olaraq istifadəyə yararsız hala düşüb.
Cagdas.az xəbər verir ki, səkinin müəyyən hissəsi özbaşına tutularaq betonlanıb və metal hasarla əhatəyə alınıb. Digər tərəfdə isə küçə işıqlandırma dirəklərinin yerləşdirilməsi hərəkəti xeyli çətinləşdirir.
Sakinlərin sözlərinə görə, bu vəziyyət gündəlik gediş-gəlişi təhlükəli edir. Onlar ya avtomobillərin hərəkət etdiyi yol hissəsinə enməyə, ya da dar sahədə qarşıdan gələn insanlarla toqquşma riski ilə üzləşməyə məcbur qalırlar.
Məsələ ilə bağlı “Bakı Şəhər İşığı” Elektrik Şəbəkələri Müəssisəsindən verilən açıqlamada bildirilib ki, həmin ərazidə illər əvvəl yolun genişləndirilməsi həyata keçirilib və mövcud vəziyyət bunun nəticəsidir.Qurumdan həmçinin qeyd olunub ki, gələcəkdə səkilərin genişləndirilməsi zamanı ərazidəki işıqlandırma dirəklərinin yerinin dəyişdirilməsi planlaşdırılır.(milli.az)
