İyunun 12-də Rusiyada və bir sıra regionlarda mini planet paradını müşahidə etmək mümkün olacaq.
Cagdas.az xəbər verir ki, astronomların məlumatına görə, gün batımından sonra qərb üfüqü istiqamətində Merkuri, Yupiter və Venera eyni xətt boyunca görünəcək. Bildirilir ki, hər üç planeti xüsusi avadanlıq olmadan, adi gözlə izləmək mümkün olacaq.
Mütəxəssislər qeyd edirlər ki, iyun ayı ümumilikdə astronomik hadisələrlə zəngin olacaq. Ayın ortalarında Merkuri xüsusi optik cihaz olmadan müşahidə edilə biləcək.
Bundan başqa, iyunun 30-da Moskva vaxtı ilə saat 02:56-da mikroay hadisəsi baş verəcək. Bu zaman Ay Yerə daha uzaq mövqedə olduğu üçün adi vaxtdan daha kiçik və zəif parlaq görünəcək.(musavat.com)
