ABŞ və İran arasında qarşılıqlı zərbələrdən sonra Yaxın Şərqdə gərginliyin artması neft tədarükü ilə bağlı narahatlıqları gücləndirib.
Cagdas.az xəbər verir ki, bunun fonunda neftin qiyməti sentyabrın 2-də səhər saatlarında əvvəlki sessiyadakı kəskin artımını davam etdirib.
“Brent” markalı neftin fyuçersləri 75 sent və ya 0,8 faiz bahalaşaraq bir barel üçün 95,40 dollara çatıb. ABŞ-nin Qərbi Texas nefti (WTI) isə 44 sent və ya 0,5 faiz artaraq 90,66 dollar olub.
Hər iki neft müqaviləsi çərşənbə axşamı 4 dollardan çox bahalaşıb. Bu, “Brent” üçün iyulun 24-dən, WTI üçün isə iyulun 23-dən bəri ən böyük gündəlik artım olub.
