Ümid edirəm ki, Ermənistandan mallar tezliklə Azərbaycana ixrac olunacaq.
Cagdas.az Ölkə.az-a istinadən xəbər verir ki, bunu Ermənistanın Baş naziri Nikol Paşinyan deyib.
Paşinyan Qazaxıstandan, daha sonra isə Rusiyadan buğda idxalına qoyulan qadağanın aradan qaldırıldığını və Ermənistandan əks istiqamətdə qatar hərəkətinə heç bir məhdudiyyət qoyulmadığını vurğulayıb.
“Bəs niyə qatarlar Ermənistandan yola düşmür? Çünki əməliyyatlarımız tək bir yük maşınının məntiqinə əsaslanır, çünki qatarı yükləyib müəyyən bir istiqamətə göndərmək mürəkkəb bir prosesdir; tələb olunan miqdarda malları bir yerdə cəmləşdirməliyik”, – deyə Paşinyan qeyd edib.
O, həmçinin bildirib ki, baş verənlərin miqyasını qiymətləndirmək çox vacibdir. “Mən sülhün bir reallıq olduğunu və bu reallığın konkret təzahürlərinin olduğunu nümayiş etdirmək istəyirəm”, – Paşinyan yekunlaşdırıb.
Mürtəza
