ABŞ Prezidenti Donald Trampın Ukrayna münaqişəsinin nizamlanması üzrə xüsusi emissarları Stiv Uitkoff və Cared Kuşnerin göyərtəsində olduğu hərbi-diplomatik təyyarə gecə yarısı Polşanın Ukrayna sərhədindəki əsas logistika qovşağı sayılan Jeşuv şəhər aeroportuna eniş edib.
Çağdaş.Az xəbər verir ki, bu barədə “Flightradar24” aviasiya monitorinq sisteminin operativ məlumatlarında əks olunub. Ağ Ev nümayəndə heyətinin Moskvada Rusiya Prezidenti Vladimir Putinlə keçirdiyi intensiv 3 saatlıq məxfi danışıqlardan dərhal sonra baş tutan bu səfər çərçivəsində tərəflər paytaxtların vurulmaması ilə bağlı müvəqqəti 3 günlük unikal “sükut rejimi” barədə razılığa gəliblər.
Qeyd olunur ki, Vaşinqton emissarları gün ərzində Kiyevdə Ukrayna Prezidenti Volodimir Zelenski və ölkənin hərbi-siyasi rəhbərliyi ilə gözlənilmədən təcili görüş keçirəcəklər.Pentaqon və Ağ Ev mənbələri səfərin olduqca qısamüddətli və yüksək məxfilik şəraitində planlaşdırıldığını bildirirlər.
Müzakirələrin əsas mövzusunun cəbhə xəttindəki hərbi emal prosesi, ərazi şərtləri və Vaşinqtonun müharibəni dayandırmaq üçün hazırladığı yeni “böyük sülh paketi” olacağı gözlənilir./Musavat.com/
