Dünya üzrə uçuşlarda siqaret çəkmək qadağan olunsa da, təyyarə tualetlərində külqabının olması sərnişinlər arasında maraq doğurub.
Cagdas.az xəbər verir ki, ilk baxışdan bu tələb ziddiyyətli görünsə də, külqabının, xüsusən də tualetlərdə olması məcburi standart olaraq qalır. Bu, “Siqaret çəkmək qadağandırsa, niyə hələ də külqabı var?” sualını doğurur. Aviasiya qurumları hesab edir ki, qadağaya baxmayaraq, bəzi sərnişinlər qaydaları poza və gizlicə siqaret çəkə bilərlər. Sərnişin siqareti söndürmək üçün təhlükəsiz yer yoxdursa, siqareti zibil qutusuna, kağız dəsmalların arasına və ya digər tezalışan səthlərə ata bilər. Bu, təyyarənin göyərtəsində yanğın riskini əhəmiyyətli dərəcədə artırır.
Bildirilir ki, külqabılar siqaret çəkmək üçün stimul deyil, təyyarələrdə yanğının qarşısının alınması tədbiridir./metbuat.az
