2025-ci ilin qəbul nəticələri bəzi ixtisaslara 200 bala yaxın nəticə ilə qəbulun mümkün olduğunu göstərib.
Cagdas.az xəbər verir ki, bu barədə Dövlət İmtahan Mərkəzinin (DİM) “Abituriyent” jurnalının 12-ci nömrəsində dərc olunan “2025-ci il tələbə qəbulu və ümumi təhsil müəssisələri üzrə buraxılış imtahanlarının nəticələrinə dair elmi-statistik materiallar”da məlumat verilib.
Dövlət sifarişi üzrə ən aşağı keçid ballarından biri Azərbaycan Dövlət Neft və Sənaye Universitetinin “Maşın mühəndisliyi” ixtisasında qeydə alınıb. Burada minimal keçid balı 200,3 olub.
Bakı Mühəndislik Universitetində eyni ixtisas üzrə keçid balı 200,6, Milli Aviasiya Akademiyasında “Materiallar mühəndisliyi” ixtisasında isə 201 bal təşkil edib.
II ixtisas qrupunda isə ən aşağı keçid balları turizm bələdçiliyi ixtisaslarında formalaşıb. Mingəçevir Dövlət Universitetində bu göstərici 214,7, Qarabağ Universitetində isə 214 bal olub.(modern.az)
