İran parlamentinin sədri Qalibaf Vaşinqtona ünvanladığı mesajda ölkəsinin hərbi qarşıdurmaya hazır olduğunu bildirib. O, İran Silahlı Qüvvələrinin mümkün hücumlara qarşı tam hazırlıq vəziyyətində olduğunu vurğulayaraq belə deyib:
“Bütün variantlara hazırıq. Onlar təəccüblənəcəklər.”
Çağdaş.Az xəbər verir ki, Qalibaf həmçinin Trampın İranın təqdim etdiyi təklifə münasibətini tənqid edib və yanlış qərarların ağır nəticələr doğuracağını bildirib.
ABŞ prezidenti Donald Tramp isə Ağ Evdə jurnalistlərə açıqlamasında İranın göndərdiyi mətnin “dəhşətli” olduğunu deyib və:
“Hətta o mətnin tamamını oxumadım. Vaxt sərf etməyə dəyməz. Hazırda atəşkəs həyat dəstək aparatına bağlı vəziyyətdədir.” ifadələrini işlədib.
Qarşılıqlı sərt bəyanatlar bölgədə hərbi eskalasiya ehtimalı ilə bağlı narahatlıqları daha da gücləndirib.
