Donald Tramp Ağ Evdə jurnalistlərə açıqlamasında Yaxın Şərqdə fəaliyyət göstərən bəzi kürd silahlı qruplarını sərt şəkildə tənqid edib.
Çağdaş.Az-ın xəbərinə görə, Tramp iddia edib ki, İranlı etirazçılara çatdırılması nəzərdə tutulan silahlar həmin qrupların əlində saxlanılıb. O, “Kürdlər bizi məyus etdi” ifadəsini işlədərək, ABŞ Konqresində kürd qrupları haqqında formalaşmış müsbət imiclə razı olmadığını bildirib.
ABŞ prezidenti çıxışında bildirib:
“Kürdlər həmişə alır, alır, alır. Konqres onların çox yaxşı döyüşdüyünü deyir. Amma onlar yalnız pul ödənəndə döyüşürlər.”
Trampın açıqlamaları Vaşinqtonun Yaxın Şərq siyasəti, İran etirazları və ABŞ-nın bölgədəki qeyri-rəsmi dəstək mexanizmləri ilə bağlı müzakirələri yenidən gündəmə gətirib.
Qeyd olunur ki, Tramp daha əvvəl də oxşar ittihamlar səsləndirmişdi. Həmin vaxt bəzi kürd qrupları ABŞ-dan İranlı nümayişçilər üçün silah aldıqları iddialarını rədd etmişdilər.
