Çin Xarici İşlər Nazirliyinin sözçüsü Quo Jiakun Çin-ABŞ münasibətləri ilə bağlı açıqlamasında iki ölkənin əməkdaşlığı gücləndirməsinin vacibliyini vurğulayıb.
Çağdaş.Az-ın xəbərinə görə, Quo keçirilən brifinqdə bildirib ki, Çin və ABŞ arasındakı iqtisadi-ticari münasibətlərin əsasını qarşılıqlı tamamlayıcılıq təşkil edir:
“Çin və ABŞ əməkdaşlığı inkişaf etdirərək bir-birini tamamlamalıdır.”
O qeyd edib ki, bu əməkdaşlıq hər iki tərəf üçün qarşılıqlı fayda və qazanc yarada bilər.
Çin rəsmisi həmçinin Donald Trampın mümkün Çin səfərinə də toxunaraq, səfər zamanı iki ölkə liderinin yalnız ikitərəfli münasibətləri deyil, həm də qlobal sülh və beynəlxalq inkişafla bağlı mühüm məsələləri müzakirə edəcəyini bildirib.
