İran İnqilab Keşikçiləri Ordusu ABŞ-ın hərbi MQ-1 Predator pilotsuz təyyarəsini İranın ərazi suları üzərində vurduğunu açıqladı. Bəyanatda hər hansı bir təcavüzə qəti cavab veriləcəyi barədə xəbərdarlıq edilib.
Çağdaş.Az xəbər verir ki, İran ABŞ-a məxsus MQ-1 Predator pilotsuz uçuş aparatını (PUA) İranın ərazi suları üzərində vurduğunu açıqlayıb.
İnqilab Keşikçiləri Korpusu yazılı açıqlamasında bildirib ki, “Bu gün səhər tezdən İranın ərazi suları üzərindəki hava məkanına girərək düşmən əməliyyatı həyata keçirməyi hədəfləyən təcavüzkar ABŞ ordusuna məxsus MQ-1 pilotsuz uçuş aparatı İnqilab Keşikçiləri Korpusunun müasir hava hücumundan müdafiə raketləri ilə aşkar edilərək vurulub”.
Bəyanatda “istənilən təcavüzə qəti cavab veriləcəyi” barədə xəbərdarlıq edilib.
