Agentlik bildirib ki, “Artıq tranzit icazəsi almış müraciət edənlərdən səbirli olmaları və PGSA tərəfindən əlavə bildiriş gözləmələri xahiş olunur”.
Çağdaş.Az-ın məlumatına görə, İranın Fars Körfəzi Boğazı İdarəsi (PGSA) bildirib ki, Tehran Vaşinqtonla münasibətlərin son gərginləşməsi səbəbindən Hörmüz boğazını növbəti xəbərdarlığa qədər bağlayıb.
Agentliyin “X” hesabında verdiyi açıqlamada deyilir: “Təcavüzkar ABŞ qüvvələrinin yaratdığı gərginlik və İran Silahlı Qüvvələrinin son açıqlaması səbəbindən Hörmüz boğazı tamamilə bağlanacaq. Artıq tranzit icazəsi alan müraciət edənlərdən səbirli olmaları və PGSA tərəfindən əlavə bildiriş gözləmələri xahiş olunur”.
Xatəmül-Ənbiya Mərkəzi Qərargahı bir müddət əvvəl bildirib ki, ABŞ-ın İrana yeni zərbələrindən sonra Tehran Hörmüz boğazını bütün nəqliyyat vasitələri üçün bağlamaq qərarına gəlib.
