2026-cı il mayın 1-nə olan məlumata əsasən, Azərbaycanda muzdla çalışan işçilərin sayı 1 milyon 792 min 300 nəfər olub. Bu qədər işçinin 862,8 min nəfəri dövlət sektorunda, 929,5 min nəfəri isə qeyri-dövlət sektorunda fəaliyyət göstərib.
Cagdas.az xəbər verir ki, ümumən işçilərin aldığı orta əməkhaqqı 1172 manat təşkil edib.
Lakin bəzi sahələrdə maaş səviyyəsi ölkə üzrə olan orta göstəricidən yüksək olub.
Orta maaş mədənçıxarma sənayesində 4328 manat, maliyyə və sığortada 3261 manat, informasiya və rabitədə 2159 manat, peşə, elm və texniki fəaliyyətdə 1990 manat, dövlət idarəetməsində 1707 manat, nəqliyyat və anbar təsərrüfatında 1560 manat, daşınmaz əmlak sektorunda 1353 manat, tikintidə 1250 manat təşkil edib.
Digər sahələrdə orta əməkhaqqı respublika üzrə olan orta göstəricidən aşağıdır.(sfera.az)
