Son dəqiqə
Avtomobilinin üzərinə ağac aşdı, ciddi ziyan dəydi – Dövlət qurumları vətəndaşın müraciətinə niyə baxmır? Hərbçilərin həyat yoldaşlarına 400 manat veriləcək Azərbaycanda dövlət bu şəxslərə ev verəcək Bu şəxslərə birdəfəlik yardım edilsin – TƏKLİF Qış dekabrın 22-də başlayır: Bakıda gecə 14 saatdan uzun olacaq Din xadimlərinə yeni məhdudiyyət qoyulub? – Şuradan açıqlama Bayden memuar yazıb: Putin, Zelenski və Trampdan bəhs edib – Maraqlı ETİRAFLAR “29 mindən çox sakinin yaşadığı massivdə məktəb yoxdur” Gələn ilin dövlət büdcəsi birinci oxunuşda qəbul edildi – YENİLƏNİB Yastıpəncəli şəxslər hansı hallarda hərbi xidmətə aparılmır?

Sabah AMB-nin faiz qərarı açıqlanacaq

Cəmiyyət

Azərbaycan Mərkəzi Bankı (AMB) faiz dəhlizinin parametrləri ilə bağlı növbəti qərarını 2026-cı il iyunun 24-də ictimaiyyətə açıqlayacaq.

Cagdas.az xəbər veririki bu barədə AMB məlumat yayıb.

Bildirilib ki, qərar inflyasiya proqnozları, makroiqtisadi təhlillər və ümumi iqtisadi vəziyyət nəzərə alınmaqla qəbul ediləcək. İnflyasiya proqnozunun hədəfdən kənarlaşma riski yarandığı halda, adekvat pul siyasəti tədbirlərinin görüləcəyi vurğulanıb.

Qeyd edək ki, son olaraq mayın 26-da AMB İdarə Heyətinin qərarı ilə uçot dərəcəsi 6,5% səviyyəsində sabit saxlanılıb. Faiz dəhlizinin aşağı həddi 5,5%, yuxarı həddi isə 7,5% müəyyən edilib.

Beynəlxalq Valyuta Fondu (BVF) isə hesab edir ki, mövcud inflyasiya şəraitində hazırkı faiz səviyyələri əsasən adekvat olsa da, risklər artarsa, AMB uçot dərəcəsini artırmağa hazır olmalıdır. Fondun qiymətləndirməsinə görə, inflyasiya təzyiqləri gücləndiyi halda mərkəzi bankın daha sərt monetar siyasət tətbiq etməsi vacibdir.

BVF-nin proqnozlarına əsasən, Azərbaycanda inflyasiya 2026-cı ildə 6%, 2027-ci ildə 4,2% səviyyəsinə enəcək və növbəti illərdə 4% ətrafında sabitləşəcək.

Eyni zamanda AMB ölkədə kapital bazarının inkişafını prioritet istiqamət kimi qiymətləndirir. 2024-2026-cı illəri əhatə edən Maliyyə Sektorunun İnkişaf Strategiyası çərçivəsində yeni maliyyə alətləri və rəqəmsal həllərin tətbiqi ilə bazarın dərinləşdirilməsi istiqamətində işlər davam etdirilir.

Rəsmi məlumatlara görə, 2025-ci ildə korporativ qiymətli kağızlar üzrə ilkin bazarın həcmi təxminən 801 milyon manat, təkrar bazarın həcmi isə 283 milyon manat təşkil edib.

AMB bildirir ki, qarşıdakı dövrdə institusional və fərdi investorların bazara çıxışının genişləndirilməsi, maliyyə savadlılığının artırılması və rəqəmsal ticarət platformalarının inkişafı əsas prioritetlərdəndir. Bu addımlar kapital bazarının daha dərin və dayanıqlı olmasına xidmət edəcək.(milli.az)