Son dəqiqə
Dünyanın ən qorxunc şəhəri: İnsanda depressiya yaradır – FOTO “”Hollivud”a dəvət alan ilk azərbaycanlı aktyoram” – (Video) Zidan Arda Gülərə heyran qaldı: “Çox yüksək səviyyəli futbolçudur” Bal yarmarkasının tarixi və yeri dəyişdirilib Sağ olan Milli Qəhrəmanların sayı 14-dən 13-ə düşdü – ADLAR Bakı meriyasında bir sıra şöbələr ləğv edildi, yeniləri yaradıldı Azərbaycan Beynəlxalq Telekommunikasiya İttifaqının Şurasına üzv seçilib İxtisarlar etmək əvəzinə, özəl sektorda yüz minlərlə iş yerləri yaradılsın Narkoloji müayinəyə dair yeni tələb müəyyənləşir Yollarda görünüş məsafəsi məhdudlaşacaq

Kondisionerdən belə istifadə edin, işıq pulunuz azalsın

Cəmiyyət

Yay istisində kondisionerlərdən istifadə artır, lakin bununla yanaşı elektrik enerjisi xərcləri də yüksəlir.

Cagdas.az lent.az-a istinadən bildirir ki, mütəxəssislər yüksək ödənişlərin səbəbinin hər zaman tariflər olmadığını deyirlər.

Çox vaxt problem kondisionerdən düzgün istifadə edilməməsi ilə bağlı olur.

Kondisioner niyə çox elektrik sərf edir?

Bir çox istifadəçi otağı daha tez sərinlətmək ümidi ilə kondisioneri ən aşağı temperatur rejiminə keçirir. Lakin mütəxəssis vurğulayır ki, kondisioner soyuq yaratmır, sadəcə otaqdakı istiliyi xaricə ötürür.

Temperaturu həddindən artıq aşağı səviyyəyə endirmək otağın daha tez soyumasına kömək etmir. Əksinə, bu, kompressorun maksimum gücdə işləməsinə səbəb olur və elektrik sərfiyyatını artırır.

Mütəxəssislərin fikrincə, otaqla çöldəki hava arasındakı temperatur fərqinin 6-8 dərəcə olması həm rahatlıq, həm də enerji qənaəti baxımından ən optimal göstəricidir.

“Turbo” və ya “Jet Cool” rejimi

Bu rejim ən çox elektrik enerjisi sərf edən funksiyalardan biridir. O, ventilyatoru və kompressoru maksimum gücdə işlədərək cihazın üzərinə böyük yük salır. Elektrik xərclərini azaltmaq istəyənlərə kondisioneri sabit rejimdə işlətmək tövsiyə olunur.

“Dry” (Qurutma) rejimi

Bu rejim havanı soyutmur, yalnız rütubəti azaldır. Ondan əsasən yağışlı və yüksək rütubətli havalarda istifadə etmək məqsədəuyğundur. İsti hava ilə mübarizə üçün bu rejim uyğun hesab edilmir.

Cəmiyyətdə belə bir fikir var ki, kondisioneri qısa fasilələrlə işə salmaq daha qənaətlidir. Lakin elektrik ustasının sözlərinə görə, ən çox enerji cihaz ilk dəfə işə düşərkən sərf olunur.

Kondisioneri davamlı şəkildə söndürüb-yandırmaq həm elektrik sərfiyyatını artırır, həm də kompressorun daha tez sıradan çıxmasına səbəb ola bilər.