UEFA Avropa Liqasının ilk turunda Beşiktaş doğma meydanda Fransanın Marsel klubunu 4:1 hesabı ilə məğlub edərək turnirə qələbə ilə başlayıb.
Çağdaş.Az xəbər verir ki, qələbə Türkiyənin UEFA ölkə reytinqindəki mövqeyinə də təsir edib. Beşiktaşın qazandığı 3 xal Türkiyənin ölkə reytinqinə 0,4 xal əlavə edib və ölkənin ümumi xalı 50,275-ə yüksəlib.
Bu həftə Avropanın klub turnirlərində Qalatasaray, Fənərbağça və Trabzonspor oyun keçirməyib.
UEFA ölkə reytinqində ilk 12-lik
İngiltərə — 103,352 xal
İtaliya — 88,303 xal
İspaniya — 83,243 xal
Almaniya — 81,545 xal
Fransa — 69,153 xal
Portuqaliya — 65,350 xal
Belçika — 59,050 xal
Niderland — 52,562 xal
Türkiyə — 50,275 xal
Çexiya — 45,125 xal
Polşa — 45,125 xal
Yunanıstan — 45,012 xal
Beşiktaşın qarşıdakı rəqibləri
Beşiktaş Avropa Liqasının əsas mərhələsində Hoffenhaym, Kristal Pelas, Seltik, Hapoel Beer-Şeva, Bayer Leverkuzen, Union SG və Omoniya ilə qarşılaşacaq.
Türkiyənin UEFA ölkə reytinqindəki mövqeyinə mövsüm ərzində klubların Avropa turnirlərində qazandığı nəticələr birbaşa təsir göstərir.
