ABŞ-da onlarla şəxs “Ozempic”, “Wegovy” və “Mounjaro” kimi məşhur arıqlama dərmanlarını istehsal edən şirkətləri məhkəməyə verib.
Cagdas.az Bizim.Media-ya istinadən xəbər verir ki, şikayətçilər bu şirkətlərin istehsal etdiyi məhsulların görmə qabiliyyətinin daimi itirilməsinə səbəb ola bilən nadir xəstəliyə yol açdığını iddia edirlər.
İddialarda dərmanların arteritik olmayan işemik optik neyropatiyaya (NAION) səbəb olduğu irəli sürülür. Bu göz xəstəliyi isə adekvat qan axınının qarşısını alır və görmə sinirini zədələyir ki, bu da nəticədə daimi görmə itkisinə gətirib çıxara bilər.
Pensilvaniyalı bir qadın isə şəkərə qarşı dərman qəbul etdikdən sonra görmə qabiliyyətinin zəiflədiyini iddia edib. Bundan iki həftə sonra ona NAION diaqnozu qoyulub.
Alimlər bu xəstəlik ilə arıqlama dərmanları arasındakı mümkün əlaqəni illərdir araşdırsalar da, əldə edilən nəticələr hələlik birmənalı deyil.
Bununla belə, bu məhkəmə işlərinin və sözügedən sağlamlıq riskinin yaxın 10 ildə illik satışlarının təxminən 100 milyard dollara çatacağı gözlənilən bu sənaye sahəsi üçün ciddi problem yarada bilər.
“Wegovy” və “Ozempic”in istehsalçısı olan “Novo Nordisk” şirkəti bu iddiaların əsassız olduğunu və şirkətin buna qətiyyətlə etiraz etdiyini bildirib. “Zepbound” preparatını istehsal edən “Eli Lilly” şirkəti isə potensial sağlamlıq riskləri ilə bağlı məlumatları nəzərdən keçirdiyini açıqlayıb.
