Avropa İttifaqının Ukraynada sülh prosesinə ciddi şəkildə qoşulmaq istəmədiyi bildirilir. Bu barədə Mark Episkopos açıqlama verib.
Çağdaş.Az-ın xəbərinə görə, O, TASS agentliyinə müsahibəsində bildirib ki, Avropa liderləri istədikləri vaxt danışıqlarda yer ala bilərlər, lakin bunun üçün həm Rusiya, həm də Ukrayna tərəfi ilə konstruktiv və real həll yönümlü yanaşma nümayiş etdirməlidirlər.
Ekspertin sözlərinə görə, hazırda Avropanın bu prosesə aktiv şəkildə qoşulduğuna dair heç bir əlamət yoxdur və bu vəziyyət yaxın gələcəkdə də dəyişməyə bilər.
O qeyd edib ki, ABŞ Prezidenti Donald Tramp dövründə irəli sürülən sülh təşəbbüsləri çərçivəsində müəyyən irəliləyişlər olsa da, Avropanın prosesə tam dəstək verməməsi danışıqları çətinləşdirir.
Mark Episkopos həmçinin bildirib ki, ABŞ administrasiyası Avropanı sülh prosesinə məcbur etməyi planlaşdırmır və onlardan yanaşmalarını dəyişmələrini gözləmir.
Onun fikrincə, Russia və Ukrayna arasında Avropa ilə daha geniş dialoq yalnız real sülh razılaşması əldə edildikdən sonra mümkün ola bilər.
