Braziliya millisi DÇ-2026-da Şotlandiya ilə oyunda Vinisius Juniorun ləğv edilən qolu ilə bağlı FIFA-ya rəsmi etiraz göndərib.
Çağdaş.Az xəbər verir ki, Braziliya tərəfi qolun ləğvi turnirdə tətbiq olunan hakimlik meyarlarına uyğun olmadığını hesab edir.
Etirazın əsasını Argentina millisinin yarımmüdafiəçisi Aleksis Mak Allisterin Avstriya ilə oyunda cəzalandırılmayan qayda pozuntusu təşkil edir. Braziliya Futbol Konfederasiyası bildirir ki, həmin epizoddan sonra Lionel Messi ilk qolu vurub və hakimlər müdaxilə etməyiblər.
Braziliya Futbol Konfederasiyasının açıqlamasında deyilir:
“Şotlandiya ilə oyunda ləğv edilən qol, bu turnirdə qəbul olunmuş hakimlik fəlsəfəsinə uyğun gəlmir. Qərar təkcə Braziliya üçün deyil, Şotlandiya futbolçuları üçün də gözlənilməz oldu. Onların reaksiyası göstərirdi ki, nə epizodun VAR-da izlənəcəyini, nə də qolun ləğv ediləcəyini gözləyirdilər”./Referans Media/
