Çin Ticarət Nazirliyinin müavini Yan Dong açıqlamasında, Çin ABŞ ilə əməkdaşlığı inkişaf etdirmək və iki ölkə arasındakı ticarət əlaqələrinin sabit, sağlam və davamlı inkişafını təmin etmək üçün çalışmağa hazırdır. İki ölkə arasında keçirilən iqtisadi məsləhətləşmələrin müsbət nəticələr verdiyi qeyd olunub.
Cagdas.az-ın xarici KİV-ə istinadən xəbərinə görə, Yan Dong bildirib ki, Çin və ABŞ 2025-ci ildə bərabərlik, qarşılıqlı hörmət və qarşılıqlı fayda prinsipləri əsasında beş tur iqtisadi və ticarət məsləhətləşmələri aparıb. Bu görüşlər göstərir ki, tərəflər mövcud problemləri bərabər şərtlərlə dialoq və məsləhətləşmə yolu ilə həll edə bilirlər.
O əlavə edib ki, liderlərin Busanda keçirilmiş görüşündən sonra Çin-ABŞ iqtisadi və ticarət məsləhət mexanizmi vasitəsilə müxtəlif səviyyələrdə ünsiyyət davam etdirilir və əldə olunmuş ortaq razılaşmaların həyata keçirilməsi üçün birgə iş aparılır.
Gələcəyə baxaraq Yan Dong vurğulayıb ki, qarşılıqlı hörmət, sülh içində birgə yaşama və “qazan-qazan” prinsipləri əsasında ABŞ ilə əməkdaşlığı daha da inkişaf etdirməyə hazırdırlar və iqtisadi-ticarət məsləhət mexanizminin imkanlarından maksimum istifadə etməyi planlaşdırırlar.
