Çin Xalq Respublikasının sədri Si Cinpin KXDR lideri Kim Çen Inın dəvəti ilə iyunun 8-9-da Şimali Koreyaya dövlət səfəri edəcək.
Çağdaş.Az xəbər verir ki, bu barədə Koreya Mərkəzi Xəbər Agentliyi (KCNA) məlumat yayıb.
“Koreya Əmək Partiyasının baş katibi və KXDR-in Dövlət İşləri üzrə sədri yoldaş Kim Çen Inın dəvəti ilə Çin Kommunist Partiyası Mərkəzi Komitəsinin baş katibi və Çin Xalq Respublikasının sədri Si Cinpin iyunun 8-9-da KXDR-ə dövlət səfəri edəcək”, – deyə məlumatda qeyd olunur.
Mart ayında Kim Çen In KXDR ilə Çin arasında dostluq və əməkdaşlığın daha da möhkəmlənəcəyini bildirmişdi.
KXDR rəhbəri Çin sədrinə cavab məktubu ünvanlayaraq, Koreya Əmək Partiyasının (KƏP) baş katibi vəzifəsinə yenidən seçilməsi münasibətilə göndərdiyi təbrikə görə təşəkkür edib. Kim Çen In qeyd edib ki, çinli həmkarının təbrik məktubu həm onun özünə, həm də KƏP-in bütün üzvlərinə dəstək və ruh yüksəkliyi əlamətidir./Publika.az
