“Audi AG” şirkəti innovasiya və yüksək sürət sahəsindəki zəngin irsinə sadiqliq nümayiş etdirərək, brend tarixinin ən sürətli və ən güclü seriyalı avtomobili olan Audi Nuvolari hibrid superkarını rəsmən təqdim edib.
Cagdas.az xəbər verir ki, “Robb Report” nəşrinin yazdığına görə, bu model cəmi 499 ədədlik məhdud sayda (tirajla) satışa çıxarılacaq.
Yeni superkarın mühərrik bölməsində daxili yanma mühərriki ilə elektrik motorlarının güclü sinerjisi yaradılıb:
Mühərrik: 4,0 litrlik, ikiqat turboşarjlı V8 mühərriki (800 at gücü və 730 Nm fırlanma anı). Bu mühərrik idman avtomobillərinə məxsus 10 000 dövr/dəqiqəyə qədər sürətlənə bilir.
Elektrik motorları: Hər biri 147,5 at gücünə (110 kVt) malik üç ədəd aksial elektrik mühərriki. Onlardan ikisi ön oxda yerləşərək 2150 Nm fırlanma anı hasil edir, üçüncüsü isə V8 mühərriki ilə transmissiyanın arasında inteqrasiya olunub.
Ümumi gücü: Birlikdə 1001 at gücü hasil edir.
Dinamika: 0-dan 100 km/saat sürəti cəmi 2,6 saniyəyə yığır, maksimal sürəti isə 350 km/saatdan çoxdur.
Batareya: Elektrik hissəni 7,3 kVt/saat tutumlu litium-ion batareyası qidalandırır.
Avtomobildə dörd əsas hərəkət rejimi nəzərdə tutulub: E-Hybrid (tam elektrik), Balanced (balanslaşdırılmış), Dynamic (idman) və Dynamic+ (maksimal güc). Həmçinin quru və ya yaş traslar üçün xüsusi sazlanan Track Mode (trek rejimi) da mövcuddur.
Dizayn və salon konsepti
“Audi Nuvolari” markanın gələcək futuristik dizayn dilini təmsil edən ilk seriyalı modeldir. Avtomobildə ilk dəfə olaraq firmanın brend texnologiyası olan yüngül metal konstruksiyalı “Space Frame” şassisi tam karbon gövdə ilə birləşdirilib. Superkar mərkəzi qayka ilə bərkidilən döymə təkər disklərinə sahibdir.
İnteryer minimalist üslubda işlənib: salonda karbon karkaslı idman oturacaqları quraşdırılıb, ön paneldəki idarəetmə elementləri isə demək olar ki, tamamilə analoq düymələrdən imtina edilərək sensorlu ekranlara keçirilib.
Əfsanəvi italyan yürüşçüsü Tazio Nuvolarinin şərəfinə adlandırılan bu eksklüziv modelin istehsalına növbəti ilin ikinci rübündə başlanılacaq, müştərilərə ilk çatdırılma isə 2027-ci ilin ortalarında reallaşacaq./bizim.media
