Böyük Britaniyanın transmilli enerji şirkəti BP Meksikadakı iki irimiqyaslı layihədən geri çəkilmək üçün hərəkətə keçib.
Britaniya nəhəngi sözügedən layihələrdəki paylarını rəsmən satışa çıxarır.
Cagdas.az xəbər verir ki, bu barədə “Reuters” agentliyi şirkətə yaxın etibarlı mənbələrə istinadən məlumat yayıb.
Məlumata görə, söhbət Meksika körfəzində yerləşən “Kaskida” və “Tiber” layihələrindən gedir. BP rəhbərliyi bu layihələrdəki səhmlərini əldən çıxarmaq üçün yenidən düyməyə basıb və satış prosesinə rəsmən start verib.
Qeyd edək ki, Britaniya nəhəngi ötən il də eyni layihələrdəki paylarını satmağı planlaşdırıb. Lakin həmin vaxt bu cəhd hələ də tam bəlli olmayan səbəblərdən uğursuzluqla nəticələnib.
Son dövrlərdə investorların sərt tənqidləri və səhmlərin zəif performansı səbəbindən strateji dəyişikliyə gedən BP, alternativ addımlar atmağa məcbur olub. Belə ki, şirkət yaşıl enerji (bərpa olunan enerji) yönümlü yanaşmasını bir qədər yumşaldaraq, yenidən ənənəvi neft və qaz investisiyalarına ağırlıq vermək qərarına gəlib. Ekspertlər bu satışın da məhz yeni balanslaşdırma siyasətinin tərkib hissəsi olduğunu bildiriblər.(sfera.az)
