Son dəqiqə
Ermənistan Türkiyə ilə sərhədi bu gün açmağa hazırdır – Spiker GTA 6 satışa çıxmamış rekord qırdı – İnternet trafiki pik həddə çatdı Gəlin dünyanı xilas edək – Azərbaycanlı alimlərdən çağırış Ermənistan Rusiya ilə düşmənçilik etmir – Rubinyan Prezident Vyetnama səfər edəcək Avtomobilinin üzərinə ağac aşdı, ciddi ziyan dəydi – Dövlət qurumları vətəndaşın müraciətinə niyə baxmır? Hərbçilərin həyat yoldaşlarına 400 manat veriləcək Azərbaycanda dövlət bu şəxslərə ev verəcək Bu şəxslərə birdəfəlik yardım edilsin – TƏKLİF Qış dekabrın 22-də başlayır: Bakıda gecə 14 saatdan uzun olacaq

Gömrük ödənişləri ancaq nağdsız olacaq

Cəmiyyət

Gömrük ödənişləri nağdsız olacaq, təminat hesabına borc tutulacaq

Cagdas.az xəbər verir ki, məsələ Milli Məclisin bu gün keçirilən plenar iclasında müzakirə edilən Gömrük Məcəlləsində dəyişiklikdə öz əksini tapıb.

Dəyişikliklərə görə, gömrük borclarının ödənilməsi nağdsız qaydada həyata keçiriləcək və buraxılış məntəqələrində bank, poçt bölmələri ilə yanaşı, ödəniş terminalları da quraşdırılacaq.

Layihədə gömrük təminatı ilə bağlı qaydalar da yenilənir. Belə ki, gömrük borcu tam ödənildikdə təminat (zəmanət pulu və ya girov) başa çatmış hesab olunur, borcun yalnız bir hissəsi ödənildikdə isə şəxsin müraciəti əsasında təminatın müvafiq hissəsi bağlanmış sayılır.

Eyni zamanda, yeni əlavə edilən maddəyə əsasən, mallar buraxıldıqdan sonra aşkar olunan gömrük borcu ödənilmədikdə, bu borc birbaşa həmin təminat hesabına ödənilə biləcək. Bu isə o deməkdir ki, gömrük orqanları sonradan yaranan borcu ayrıca tələb etmədən mövcud təminatdan tutmaq imkanı əldə edir.

Dəyişiklik səsə qoyularaq üçüncü oxunuşda qəbul edilib.