Google axtarış sistemi İranda 47 gündən çox davam edən internet məhdudiyyətlərindən sonra yenidən fəaliyyətə başlayıb.
Çağdaş.Az-ın xəbərinə görə, yerli sakin TASS-a bildirib ki, “bəli, işləyir. Hətta Google Translate də işləyir”.
Mənbənin sözlərinə görə, Google-un əsas səhifəsi açılır və axtarış etmək mümkündür, lakin sayt keçidləri aktiv deyil və üzərinə klikləmək mümkün olmur.
Bundan əvvəl beynəlxalq internet monitorinq xidməti NetBlocks İranda internetə çıxışın 47 gündən artıq müddətdə demək olar ki, tamamilə kəsildiyini açıqlamışdı.
