Türkiyədə iyulun 12-də saxlanılan “Ahbap” dərnəyinin sədri, tanınmış müğənni Haluk Leventlə köməkçisi Alper Çelik arasında olduğu iddia edilən mərc məzmunlu yazışmalar üzə çıxıb.
Cagdas.az “Qafqazinfo”ya istinadən xəbər verir ki, istintaq çərçivəsində Haluk Leventin köməkçisi Alper Çelik də saxlanılıb və məhkəmənin qərarı ilə barəsində həbs qətimkan tədbiri seçilib.
İddialara əsasən, Alper Çelikin mobil telefonunda aparılan ekspertiza zamanı Haluk Leventlə arasında olduğu bildirilən mərc mövzulu mesajlaşmalar aşkarlanıb.
Yayılan yazışmalarda Haluk Leventin eyni gün ərzində təxminən 700 min lirə məbləğində mərc kuponu oynadığı, təkcə bir futbol oyunu üçün isə 500 min lirə mərc etdiyi bildirilir.
Hazırda İstanbul Cumhuriyyət Baş Prokurorluğunun “Ahbap” dərnəyi ilə bağlı başladığı istintaq davam edir.
Qeyd edək ki, sözügedən yazışmalar və mərc iddiaları istintaq materiallarında yer aldığı bildirilən məlumatlara əsaslanır. Bu iddialarla bağlı məhkəmənin yekun qərarı açıqlanmayıb və onlar hüquqi baxımdan təsdiqlənmiş fakt hesab olunmur.
Xatırladaq ki, 57 yaşlı Haluk Levent barəsində İstanbul Baş Prokurorluğu tərəfindən “Ahbap” dərnəyi ilə bağlı aparılan araşdırma çərçivəsində saxlanılma qərarı çıxarılıb. Hazırda məhkəmə prosesi davam edir və hələlik yekun qərar yoxdur.
