Hesablama Palatası dövlət büdcəsi ilə bağlı bəzi təkliflərlə çıxış edib.
Cagdas.az xəbər verir ki, Hesablama Palatasının sədri Vüqar Gülməmmədov Milli Məclisdə təklifləri səsləndirib.
Palata gömrük xətti ilə büdcə gəlirlərinin proqnozlaşdırılması mexanizminə yenidən baxılmasını təklif edib.
Sədrin sözlərinə görə, idxal zamanı tətbiq olunan fiskal yükün optimallaşdırılması və vergi intizamına əməl edən sahibkarların daha çox təşviq edilməsi məqsədəuyğun olardı.
Hesablama Palatası həmçinin “Büdcə sistemi haqqında” Qanuna dəyişiklik təklif edir.
Hesablama Palatasının sədri Vüqar Gülməmmədov bildirib ki, dövlət sektorunun aktiv və öhdəlikləri, vergi güzəştlərinin büdcəyə təsiri və iqtisadi sahələrin büdcə gəlirlərinə təsiri ilə bağlı məlumatların qanunda əks olunması faydalı ola bilər.
